ni Dong Arañez
USA ka balay ang gilungkab sa Purok 5, Baguioville Subdivision, Simangan, ning syudad niadtong Abril 17. Sumala pa sa nagpuyo sa balay nga si Erwin Pacaña, 42-anyos, minyo nga wala siya sa balay atol atong tungora kay duty siya sa gitrabahoan niya sa Energy Development Corp. sa Tongonan, ning syudad.
Gibana-banang mga 3:00 o 4:00 sa hapon nakasulod ang kawatan. Pag-uli niya sa balay mao na lay iyang nasayran nga abri na ang pultahan ug pagsusi niya nalimas intawon ang ilang grocery alang sa usa ka simana. Nawagtang sad ang itom nga bintilador. Walay laing nakuha ang kawatan ug hayan nga gutom lang kadto ug ang tuyo lang niini ang pagkaon sa kusina.
(West Leyte Weekly Express issue of Apr. 18-24, 2011)
No comments:
Post a Comment