PORBIDA ning si Ricardo nakamenos gyud nato kay nangasaba na sad og laing kapitan. Kabahin ni sa usa ka seremonya sa pagpasiga sa usa ka sitio nga bag-o lang nahatagan og kuryente. Natural, nagpabida dayon sila Ricardo pagkahibawo nila sa maong kalihukan.
Apan sa pakighinabi sa usa ka peryodiko sa kapitana sa maong barangay, siya miingon nga ang mayor maoy naglihok sa maong pagpasiga kay mao to siya ang nagsige og balik-balik sa DOE aron mag-follow up. Ang pagpasiga sa mga barangay usa ka benepisyo nga gihatag sa kagamhanan alang sa mga lugar diin nagagikan ang kuryente.
Mao kini ang gibutang sa balaod nga Energy Regulation 1-94. Apan ang paghatag sa maong benepisyo nagdepende sa rekomendasyon sa mayor kay malangan ang paghatag niini kon kulang sa iyang follow up. Mao nga nahibulong si kapitana sa pagpangangkon nila Ricardo ug Luciana sa maong proyekto nga maoy iyang giisplekar sa media.
Apan nasuko si Ricardo pagbasa niya sa maong giingon sa kapitana mao nga iyang gisulong si kap sa balay ug gibaboy-baboy og kasaba. Giingnan niya si kapitana nga bawion ang iyang gisulti samtang gihapak-hapak ang peryodiko sa lamesa. Matay ‘no? Kadako niyang buot mangasaba sulod pa mismo sa balay nga iyang gisak-an. Na hala, suportahi si Ricardo!
(West Leyte Weekly Express issue of Jan. 30-Feb. 5, 2012)
No comments:
Post a Comment