USA ka 14-anyos nga dalagita ang motulo na ka buwan nga sabak human siya panamastamasi og makadaghan sa ilang pastor. Ang gireklamo mao si Richard Maravilla, 40-anyos nga nagpuyo sa Blk. 5, Tambulilid, ning syudad ug ministro sa Messianic nga simbahan.
Sa pakighinabi sa biktima, una daw siyang gihilabtan ni Maravilla kaniadtong Pebrero 17 mga 7:00 sa gabi-i didto sa ilang simbahan sa Dayhagan, dinhi sa Ormoc human sa ilang panagpundok. Nasundan pa kini sa makadaghan ug ang katapusan kaniadto lang Agosto 29 mga 6:00 sa gabi-i.
Sugid sa inahan nga salig lang siya kang Maravilla kay taas ang iyang pagrespeto ug gawas pa duna usab kini anak nga dalagita nga ka-edad sa biktima. Dugang sugid sa biktima nga gisaaran daw siya sa pastor nga manglakaw sila ug mag-ipon ug biyaan ang iyang asawa kay dili na siya malipayon.
Nasayran sad nga natugkan na og gugma ang menor de edad tungod sa mga pasalig kaniya. Ang biktima anaa sa ikaduhang tuig sa Valencia National High School. Gisang-at sa piskalya ang kasong qualified seduction sa pag-asister ni PO2 Jinillee Abad, ang women and children’s desk officer sa Presinto 2. ni Elvie R. Roa
(WLWE issue of Sept. 5-11, 2011)
No comments:
Post a Comment