How to please your man

Dear Ate Ruby,
Ako si Sandra, minyo sa usa ka lalaki nga maingon nato nga gipangandoy sa mga babaye. Dili man gyud siya tomang kaguwapohan apan kargada siya’g sex appeal. Malipayon man pod ko kaayo sa among relasyon kay wala man mi dakong problema. Ang ako lang, gusto nako ipabati niya nga ako lang gyud ang babaye para niya. Kana bang dili na gyud siya mangeta og laing babaye.

Ingon sila nga the best way to a man’s heart is through his stomach diin ato sila lutuan og lami nga pagkaon. Apan naa sad niingon nako nga gawas niana, dapat daw maigo sad nato sa insakto ang naa ubos sa tiyan, nga dapat malamian sab ni og insakto. Tinuod ba ni?

Kung sex lang ang hisgotan, okey man lang ang amo-a, apan gusto ko mahimong mas especial pa – kanang dili niya makalimtan ang mga lihok namu aron pirmi gyud siya maghinam-hinam pag-uli sa balay ug dili na masanget sa mga barkada ug uban pa.

Ate, hatage ra gyud ko’g tips kung unsa ang imong nasabtan nga maayong mga posisyon sa mga lalaki. Naa ba nay pabo-paborito? Gusto man gyud nako topongan ang iyang ka-sexy. 

Saving all my love for him,

Sandra

Bilib ko sa imong pagkadeterminado nga ipabati sa imong bana nga ikaw lang ang babaye para niya. Kay kasagaran baya sa akong mabatian nga reklamo sa mga lalaki nga nangabit kay kuno ang ilang mga asawa dili na makamao mupalipay nila sa kama.

Kana tengaling mupatara na lang pod ug maghuwat na lang kanus-a mahuman ang lalaki. Mao bitaw nga kung makaagi sila’g babaye nga maayo mu-sirko, ila ning pangetaon ug balik-balikan. Apan wala ni magpasabot nga uwagan na kaayo ka kon dili gusto lang nimo i-share ang kanindot sa imong experience sa imong bana.

Wala man koy marekomendar nga best position. Inyo nang duha nga moves. Kung parehas mong malipayon sa usa ka posisyon, mao na ang pinakamaayo. Kamo lang ang makahibawo niini pinaagi sa pag-eksperimento ug pagtuon sa kada posisyon at your right pace. Ang importante mao ang komportable mong duha.

Nangutana ko sa akong mga kaamigahan unsaon pag-spice up sa sex life ug ubay-ubay sad ang ilang na-contribute. Alegre gyud ang among istorya. Ang usa nako ka higala ni-suggest og role playing ug nipalit pa gyud siya og uniporme sa nars ug estudyante para niini.

Ang usa ka higala nako nag-ingon nga mupalahi sila og lugar preferably sa hotel. Kung walay kuwartang pang-check in, magbunot-bunot sila asang parte sa balay nila buhaton – sa kusina ba, sa salas, banyo, etc.
Naa sad koy nabasahan nga kinahanglan kuno kamao ang babaye magpagilok gamit ang baba ug dila. Apan Pilipina ra ba ta ug dili ta anad niana. So maayong substitute mao ang hapuhap sa mga kamot. It’s a matter of hitting the right spots.

Another thing: sex is also communication – of your bodies. So kinahanglan mu-respond ka by moving your body the way he does. Pag-concentrate sa inyong gibuhat ug ayaw pag-frigid. Unfair man sad nga naniguro ang lalaki samtang basa-basahon lang siya ang komiks o mag-text-text ang partner.

Apan kini ang pinaka-importante nakong tambag. Ang relasyon dili lang kutob sa kama kay dako ra ba ang kalibutan gawas sa kuwarto. Angay nga mas mag-effort ka pag-atiman sa imong bana. Kadaghanan sa mga amiga nako ang lig-on ang ilang kaminyoon dili tungod sa kamaayo nila sa kama apan maayo silang mga asawa ug inahan. 

(Issue of Oct. 3-9, 2011)