Basin nasayop la’g sulod

Dear Ate Ruby,
Ako si Mike, 30-anyos ug minyo na. Dili sa pagpanghambog pero medyo maayohon pod ko’g pamarog ug gawpo pod gamay. Sa wala pa ko maminyo daghan ko’g naagian nga relasyon — naay mga sersoyo, naa poy fling-fling lang. Pero sukad sa akong pagkaminyo ako na gyud gisulod sa akong huna-huna nga dili nako makig-involve pa sa ubang mga babaye kay virgin gyud ni nako nakuha ang naasawa nako mao nga siya ang akong gipakaslan sa kadaghan sa akong mga nauyab.

Apan mga pila pa lang ka tuig gikan sa among pagkaminyo, napaltos ang saad nako sa akong kaugaalingon tungod kay nahigugma man ko sa laing binuhat. Apan ako lang pod klarohon nga ako lang ning gitago sa akong kaugalingon ug wala nako biyae ang akong pamilya.

Makahuna-huna lang ko nganung karon pa man mi nagkakita niining bayhana. Maayo unta nagkita na mi sa una kadtong wala pa ko maminyo nga bisa’g dili na siya virgin nga akong makuha, siya gihapon ang akong pilion. Ingon ana ang akong pagkagusto niya.
Karon ate, sood na kaayo mi aning bayhana. Malipay naman lang ko nga sa tago nga pamaage ako siyang gimahal. Unya maayo man sab siya mutagad nako, bootan kaayo siya nako. Apan pipila na ka adlaw karon nga mura na siya’g naglikay nako kay naay nag-text niya nga nagmando nga dili na ko tagdon kay kon dili gani patyon siya niini.
Unsa may akong buhaton ate? Dili ko gusto nga mawala ang maayo niyang tinagdan nako. Unsa may buhaton nako aning nagsige og text ka niya? Hasta pod dire nako baya naa poy magsige og text og maut.   
Lover boy,
Mike

Dear Mike,
Maka-feel ko sa sincerity sa imong istorya. Imong giangkon nga imong gipakaslan ang imong asawa tungod kay maoy imong saad sa imong kaugalingon nga kung kinsay virgin nga makuha nimo maoy imong minyoan. Ikaw diay ang tipo sa lalaki nga mag-testing usa sa mga babaye aron masabtan kung virgin pa ba. Magsige ka pod diay og sulod, no? Ug ila pod ka pasudlon.
Apan kabahin sa nag-text sa babayeng nakapatibok og otro sa imong kasing-kasing, basin nagpataka ra ni og sulod — kanang gitawag ba nila nga missent. Klaroha sa ni kay delikado baya ang sulod sa iyang text. Laliman ka’g patyon niya ang babaye kung dili siya moundang og tagad sa imo.
Sa laing bahin, tengale pod ang imong asawa ang nagtext ani nga babaye, nigamit lang og laing sim. Susihon lang usa pag-ayo. Akong tambag sa tanang mga magtiayon bahin aning mga text-text, ayaw ni ninyo himua dayon nga dakong away. It’s no big deal. Text ra na. Kung naa moy pagsalig sa inyong partner, you should learn how to consider things.
And since we’re on the topic of text messages, gusto ko’g mangayo og dispensa kang Abet (kabalo naka kung kinsa ka). Komedya ra tong text nako bisan may pagka-green kadto.
Love,
Ate Ruby
(WLWE issyue of Sept. 5-11, 2011)